Miyndzynarodowo żyniaczka

Wiycie kożdy narod, każde państwo mo sosik swojigo, czym chciało by sie pochwolić. Niymcy słynom z piwa, Rusy z gorzołki, Francuzy z wina, Włochy z pizze, a my Poloki z czego? Podle mie z gościnności, ale też z dobrego jodła. Kaj przeca zjycie tak dobro gynś, krolika jak nie u nos?

Ale czy do sie sklupnyć do kupy dwie inksze kultury? Myśla, że ja, choć nikiedy może być ciynżko, skiż tego, że kożdy mo swoji i do tego ciągnie. To tak jak we mieszanym małżyństwie – kożdy chce swoji nawyki, tradycje sprzedać.

A pisza ło tym skiż tego, ze za pora dni, a dokładnie we sztwortek momy świynto, kiere sie fajruje na cołkim świecie, a kiere u nos też już pora dobrych lot je. A dokladnie je to francuski świynto młodego wina – Beaujolais Noveau, kiere dycki je w kożdy trzeci czwortek listopada.

I tak se myśla, czy poradzymy pożynić te świynto z naszom kulturom? Myśla, że spokojnie ja, w przeciwiyństwie do Halloween, kiere dycki je dziyń przed Wszyskimi Świentymi i ludziska nie bardzo majom nastroj do wygupow.

Ale taki świynto wina, podle mie idealnie pasuje do naszej gynsi. I choć św. Marcina już było, to gąska do wina pasuje idealnie. A nojlepszy to jakoś wątrobka z jabkiym, abo z cebulkom.

Kochani Ludkowie, nie chca wos kusić do alkoholu, ale idzie mi bardzi ło to, żeby sie spotkać ze znajomymi, podżistać, pofajrować, a ku tymu zjeś coś rychtyk dobrego. Wtedy nasze małżyństwo polsko-francuski bydzie udane. Pyrsk.

Sztwortek – czwartek

Dycki – zazwyczaj

Dżistać – rozmawiać