Zdaniem Ślązoczki

Tak mi sie przipomniało, że napisza dzisiej jak ech kiejś mediktowała czamu tak bez ustanku słychać yno o swadzie, nieżyczliwości, niezgodzie i tak od wiyrchu na dół. Możno jakby tak ci na wiyrchu chyciyli sie za rynce (takij do zgody) byłoby tak jak obiecowali. Jedni na Wiyrchu sie obraziyli jak pan Jan Maria zagłosowoł na przeciwnika i siw zaczło po downiejszymu. „Ta zniewaga krwi wymaga”. Do krwawego pojedynku nie doszło ale zaczła sie tak jak w pieśniczce wojna na gesty, wojna na słowa. Nikiedy słowa som w skutkach gorsze niż krwawy pojedynek. Miyszkańcy tego piyknego polskigo kraju nie wytrzymują. Jedni wymykajom a drudzy przimuszyni siedzom w tym bardaku i chcom przetwać. Przipomniała mi sie z downych czasow tako bojka. Pasowałaby do tych wszystkich partii, kiere chcom dobrze yno nie umiom. Toż tak: ojciec mioł 8 synow. Każdy chcioł przed sia dobrze gospodarzyć, ale mu nie wychodziyło. Ojciec ustrugoł dwie wionzki patyków i zawołoł synow. Teraz kozoł im brać po jednym patyku i łomać. Synowie posłosznie łomali i zrobiyła sie szykowno kupka. No i co ojciec. A no nic – powiado. Weźcie teraz te swionzane patyki i łomejcie. Jedyn po drugim próbowoł ale nie złomali. Bo jak sie nie weźniecie do kupy we zgodzie wszystko na marne, bo zgoda buduje a niezgoda rujnuje. Kaj to dzisiej jest tak jakby się należało.

Kiedyś downo dzieci w przedszkolu grały teater o ludzikij dobroci i złości. W jednej scynie na pnioczku w lesie siedzioł krasnoludek i z żolym godoł „a dziś tak smutno łez tele płynie, każdy o sobie myśli jedynie” . Czy to nikiedy nie pasuje do naszych czasów? Czy tyn krasnoludek już wtedy nie myśloł o rodzicach tej biydnej Ani. Bo tam dzisiej też łez tyle płynie...

Czamu rodzice zamiast zawozić swoich synalkow mercedesym na tyły gimnazjium nie przimuszom – bo sami nie umiom, żeby zdobyć sie na słowo przeprosin. Tych gimnazjalistow już teraz trzeba się boć. Niedowno tymu gimnazjalista zamordowoł młodziutko babka i zaś nieludzki wyskok podrostka zburzył życi młodymu żonkosiowi a rodzinie naszykowoł morze łez. Te wieczne sondy lustracyjne nie dycko sprawiedliwie. Jeśli już nie som przez lata przeklinane to też powod do nie naprawionej krziwdy. Zaczynomy słuchać, że ci, co niszczyli ludzi chcom zapomogi i broniom swoich „biydnych” emerytur. Jak oglondomy te ogromne wille, z kierych wrzeszczy ludzko krziwda i tych zadowolonych właścicieli chciało by sie ich spytać: ludzie czy wy ni mocie gańby. Pan senator co telki lata truł niewinnych ludzi, poniżoł, niszczył chce w dalszym ciongu być niewinny, a kaj była zwierzchność, czy i onej kiełbasa i szynka zalepiyła oczy? A „ubabrany” wojewoda decyduje o wyciepnyciu prezydynta Warszawy. Kiedy to sie wszystko skończy.

Trocha nerwowo Langerka