Pokolyni XXL

Wiycie moda na przesadno chudość chyba już przeszła. A mom taki wrażyni, że je moda na sadło. Piyrwej godali, że baba bez brzucha jak gornek bez ucha. Ale widza, że terozki wyglondo to wszysko fest nie echt.

A już wom godom ku czymu pija! Jeszcze pora lot tymu śmioli my sie z Niymcow, Amerykonow, że bachrocze, basetloki, a baby wyglądajom choby szły na basyn z trzyma kołkami ratunkowymi na sia.

I co? Dłogo nie trza było czakać- u nos momy to samo. Młode chopy po 30 lot z brzuchami jak bymbyn i młode baby z rziciami jak kalfas, abo połtorej kopaczki i boczkami kiere wylywajom sie na prawo i lewo.

Yno trza se pedzieć skuli czego? Inkszy luft? Nie bardzo, ale inkszy kust i życi. Dużo jedzynio, wszystko gotowe, a ruchu zero. Wszyndzi autym, nigdzie piechty.

Pisza  ło tym problymie, bo za chwila bydymy dować rynty na chrubość, a i bajtli chrubych nie brakuje. Zrobili my sie społyczyństwym zgniyłym, a conikeżi jakby umieli to ani nie dychajom.

Tak se myśla, że jak sie nie weznymy za sia, toż bydzie źle. Idzie wiosna, czas  na zmiany, beztoż biercie swoji sztyry literki i ćwiczcie, no i przede wszystkim zacznijcie normalnie ważić. Pyrsk!

Kopaczka - motyka

Kust - jedzenie